ბატეთის ტბა ქარელის რაიონშია. ძამას ხეობაში. 30-ზე მეტი მონასტერია ერთი ბეწო ხეობაში. ბატეთი მეწყერული ტბაა და ცალ მხარეს ჭაობი აქვს, აი, დაბლითა ფოტოზე მწვანე რომ ჩანს, ეგაა. მწვანე იმიტომაა რომ შვიტებია ამოსული. უკიდეგანოდ ლამაზი, დიდხეებიანი ტყე აქვს გარშემო.
როგორ მოვხვდეთ აქ?
ა)ვეწერებით რომელიმე ექსკურსიაზე, ოღონდ ჯერ ვარკვევთ, მხოლოდ ეკლესიებია პროგრამაში თუ ტბაც. მე ეკლესიების ტურზეც ვარ ნამყოფი და აბსოლუტურად სხვა სამყაროა/სხვა სიტუაციაა.
ბ) ჩავდივართ ქარელში ლარიანი მატარებლით, ვქირაობთ იქვე რამე კარგი გამავლობის მანქანას კაცზე 5-10 ლარად, წაგიყვანთ-დაგხვდებათ კოდმანამდე დღის ბოლოს. ან მარტო წაგიყვანთ. მერე ფეხით უნდა იაროთ ემმმ…. 10-ოდე კილომეტრი.
გ) მივბოდიალობთ საკუთარი მაღალი გამავლობის მანქანით, გადასახვევიდან ტბამდე ფეხით – სულ სამიოდე კილომეტრია. ტბამდე მანქანით ასვლა ცოტა სათუოა, ოფროუდერი თუ არ ხარ, იმიტომ რომ უკიდეგანო ტალახი ევრივეარ. და საერთოდაც, ტყეში ბოდიალი ვიცი მე ფეხით. არ ინანებთ.
საბანაკე ადგილი
- სანამ ტბაზე ასვლას დაიწყებთ ნიშნულიდან, მშვენიერი მინდორია, მდინარის პირას. რომელიღაც კომერციული გასვლა ქეიფობდა, ჩვენ რომ მოვდიოდით. წყალი– მდინარეში, მონასტრებთან წყაროებიცაა
- ტბაზე პაწაწუნა ადგილია, ალბათ სამი კარავი დაეტევა. ბონუსები– უკიდეგანოდ ლამაზი ხედი დილით. არაბონუსი– ბაყაყების ყიყინი და სავარაუდოდ კოღოები. წყალი-გვიმრებშია ჩამალული წყარო, მოძებნა უნდა
- იქვე მდგარ ფურგონში მგონი ვიღაც მწყემსის თავშესაფარია
გზადაგზა ხედები ფანტასტიურია, ბევრია ეკლესია-მონასტერია კეთილი მორჩილებით, გზა ვიკითხეთ და გზის სწავლებას წითელი ღვინო მოაყოლეს ბონუსად. მარათონული სისწრაფით მოვცუნცულებდით და ომნომნომ.
ფოტოგადაღებებისთვის იმჰო გადასარევი ადგილია, ზაფხულში ვიყავით და შვიტები, შვიტები ევრივეარ
ტბაში ბანაობა და თევზაობა
ბანაობა– რამდენადაც ვიცი, არ შეიძლება. ნაპირებიც მოუხერხებელია მისადგომად და ნახევარი საერთოდაც დაჭაობებულია.
თევზაობა– თევზები არ იშოვება, სამაგიეროდ იშოვება ტრიტონები :3
სირთულის დონე
უმარტივესი. დასაწყისში მკვეთრი აღმართია და ჯოხი არ გვაწყენდა.
აქ უკვე უკან ვბრუნდებით, ერთ დღეში უნდა ჩავტეულიყავით. სადღაც 20 კმ ვიარეთ შეუვენებლად.
შემოდგომით არის ზღაპრული ფერები. სადღაც ოქტომბრის ბოლოსკენ წითელ-ყვითელ-მწვანედ შეფერილი ტყე, რომელიც ტბაში ირეკლება. უნდა იჯდე და უყურო და უყურო და უყურო და უყურო 🙂
გადავირიე, ისე მომეწონა, არაჩვეულებრივი სილამაზეა და ძალიან კარგი ფოტოები.
ქარელიდან რამდენი კილომეტრია დაახლოებით? ორი-სამი დღით კარგი იქნება წასვლა. არ მიყვარს გადარბენაზე რომ ვარ. თუ არ დავბანაკდი გემრიელად, სიმყუდროვით და ბუნებით თუ არ გავძეხი (მე რა გამაძღობს, მაგრამ მაინც), ძალიან დანაკლისში ვრჩები.
ქარელიდან მართლა არ ვიცი, მაგრამ საკმარისად ბევრია იმისთვის რომ ფეხით ვერ გაიარო :დ სდღაც ოცი წუთი ან მეტი მივყავდით მგონი მანქანას :დ და მაგის მერე 10 კმ ტბამდე
მოკლედ, ისევ ძმაკაცის ჯიპი და მისი ჯანი. პროწიალი და ტაქსების ძებნა არ მევასება.
რა ლამაზი და მწვანეა ❤
აქამდე არ დამიკომენტარებია ამ ბლოგზე მგონი… როცა ახალ პოსტს დებ, წინასწარ ვიცი, რომ შესანიშნავი ფოტოებით უნდა დავტკბე და გავბრაზდე საკუთარ თავზე, რადგან არასროს დავდივარ ასეთ “პაესტკებში”. არადა ისეთი სილამაზეა… წარმატებებიიი!
მადლობა < 3
უუუულამაზესია ❤
ხო, საოცრად ^^
2 კვირაში ვაპირებ მეგობრებთან ერთად წასვლა ბატეთის ტბაზე 3 დღით. ვინმე ხომ არ იცის , ღამით ცხოველები არიან? ისეთი რაღაცები მითხრეს როოომ……
არა, რა ცხოველები :დ
[…] როგორ მოვხვდეთ აქ? აი, ეს ჩემი ძველი პოსტი ბატეთზე, აქ წერია ყველაფერი და თან მზიანი […]
ქარელიდან 29 კილომეტრია. ჩვენ ავტოსტოპით ვიარეთ და დაახლოებიტ 7 მანქანა გამოვცვალეტ სანამ ავედით 😀
mankanit miudgomelia ?
ჩემს დაბადებისდღეზე მინდა გავიპარო სადმე და ფბზე წავაწყდი ბატეთის ფოტოს)) ძალიან კარგი ბლოგი გაქვს და დამეხმარა მარშუტის დაგეგმვაში. გმადლობ ❤