არ იფიქრო, პერ
არ იფიქრო.
ეკლები დაივარცხნე და იარე
სულ იარე-
არ გაჩერდე,
არ ამოისუნთქო,
არ შეისვენო,
არ ჩამოჯდე-
აღმართებზე.
მეორე სუნთქვა,
ტკივილი ფერდში- იმის შეგრძნება, როგორ გადადის სისხლი
ელენთიდან ორგანიზმში.
არ მოკვდე, სანამ ცოცხალი ხარ –
არ ჩაქრე, პერ.
ნახე, როგორ ანთია კოცონი-შენი მოგროვებული შეშა – ტკაცა-ტკუცით და
წიწვიანი შეშის სურნელით.
ზაფხულის პირველი დღე და წვიმა,
ფორთოხლისფერი საწვიმარი, ტყე და ორი ცალი ფეხი
მშრალი, ჩემს ახალ ბათინკებში-სველ ბალახებზე.
მიყვარს წვიმა, როცა ტყეში წვიმავს და არა ასფალტზე- თუნდაც დავსველდე.
გახურებულ სახეზე რომ გეცემა წვეთები, საწვიმრის კაპიუშონზე წკაპუნობს და
ჰაერში დგას სურნელი- ტყის, ბლახების, ნეშომპალის და ზაფხულის.
მთებში დაბადებული ღრუბლიკები- ნისლები რომ გვგონია
და
ზემოდან დავყურებთ – თითქოს დიდი ვინმეები ვიყოთ, ერთ მთას შეჭიდებულები- ჭიანჭველებივით.
როცა გონება გამორთულია, ადგილი მხოლოდ პერისთვის რჩება.
არ იფიქრო, პერ, არ იფიქრო….
პ.ს. ლომის მთაზე ვარ დასაბრუნებელი, ოდესმე. კავკასიონი დამრჩა სანახავი.
ფოტოებმა დამამუნჯა ❤
ბედნიერი ვარ რომ მეც ვნახე ეს სილამაზე შენთან ერთად და იდეაში კიდე მივდივართ მალეეე ^_^
ძალიან მომწონს შენი ბლოგი
მთელი ღამე გადაჩიჩქნე მგონი ყველაფერი და აი ის სუფთა ჰაერიც ჩავისუინთქეე ესე დისტანციურად
თავიდან მოვიარე ყველაფერი ^_^
მადლობა !
მეც მინდა ეგეთი სურათი -_-